Oʻzbekiston Respublikasi  Qurolli  Kuchlari  tashkil  etilganligining  33  yilligi  hamda Vatan himoyachilari  kuni  bayrami munosabati bilan Jahon iqtisodiyoti va diplomatiya universiteti Akademik litseyida 2025-yil 10-yanvar kuni «Yangi O'zbekiston armiyasi - mamlakat tayanchi, xalqimiz faxri» mavzusida madaniy-ma’rifiy tadbir tashkil qilindi. Tadbirda O‘zbekiston Respublikasi Qurolli Kuchlar Akademiyasining Harbiy psixologiya va pedagogika kafedrasi professor-o‘qituvchilari, Fransiyada oʻtkazilgan “Parij-2024” yozgi paralimpiya  oʻyinlarida  mamlakatimiz  sharafini  munosib  himoya  qilgan sportchilar ishtirok etdilar. Uchrashuvda so‘zga chiqqan harbiy  fanlar  dokto‘ri,  podpolkovnik Akromjon Shohakimov, sikl boshlig‘i, podpolkovnik Sherzod Ravshanov  mazkur bayramning tarixiy ahamiyati, Oʻzbekiston Respublikasi Qurolli  Kuchlarining bugungi kundagi salohiyati, vatan himoyasi har bir fuqaroning sharafli burchi ekanligi to‘grisida gapirdilar. Parataekvondo bo‘yicha Paralimpiya o‘yinlari kumush medal sovrindorlari Guljanoy Naimova va Ziyodaxon Isoqovalar ham so‘zga chiqib, Paralimpiya o‘yinlarida erishgan yutuqlarini vatanga cheksiz muhabbat, mamlakatimiz  sharafini  munosib  himoya  qilish istagi  kabi his-tuyg‘ular bilan bog‘ladilar. Shundan so‘ng Akademik litsey o‘quvchilari vatan haqidagi  she’rlar bilan tadbir qatnashchilarini bayram bilan qizg‘in tabrikladilar.Tadbir nihoyasida mehmonlarga Akademik litsey rahbariyati tomonidan esdalik sovg‘alari topshirildi.